კომპანია „ჯორჯიან მანგანეზმა“ ჭიათურის მუნიციპალიტეტს დასუფთავების სამუშაოებისთვის ტექნიკა გადასცა.

ტექნიკის გადაცემის ღონისძიებას ჭიათურის მუნიციპალიტეტის მერი გივი მოდებაძე და კომპანიის სოციალური პროექტების დეპარტამენტის ხელმძღვანელი, მირიან ბიჭიკაშვილი ესწრებოდნენ.

გივი მოდებაძემ მადლობა გადაუხადა კომპანიას ადგილობრივ თვითმმართველობასთან ნაყოფიერი თანამშრომლობისა და მუნიციპალიტეტისთვის გაწეული მხარდაჭერისთვის.