ჭიათურის მუნიციპალიტეტში სოფლის მხარდაჭერის პროგრამის ფარგლებში მოსახლეობასთან შეხვედრები დაიწყო.

მუნიციპალიტეტის მერი გივი მოდებაძე, საკრებულოს თავმჯდომარე ალექსანდრე ციცქიშვილთან და ხელისუფლების სხვა წარმომადგენლებთან ერთად, ნიგოზეთის თემში შემავალ სოფლებში - უსახელოში, გუნდაეთში, მერევსა და წასრში ადგილობრივ მოსახლეობას შეხვდა.

შეხვედრებზე მოქალაქეებმა საკუთარი საჭიროებები და პრიორიტეტები დააფიქსირეს. მათი გადაწყვეტილებით, შეირჩა შემდეგი პროექტები:

უსახელოში -სტადიონის დასრულება; წასრში - სანიაღვრე სისტემის დასრულება; გუნდაეთში - მზის ენერგიაზე მომუშავე სანათების მოწყობა; მერევში - მზის ენერგიაზე მომუშავე გარე განათების მოწყობა.