ჭიათურის მუნიციპალიტეტის მერი გივი მოდებაძე, მერის პირველი მოადგილე დავით წერეთელი, მოადგილე დავით ბიწაძე, ადგილობრივი ხელისუფლების წარმომადგენლებთან ერთად, პერევისის ბავშვთა საზაფხულო ბანაკში იმყოფებოდნენ.

მერმა ბავშვებს საჩუქრები გადასცა და საზაფხულო ბანაკის აქტივობებს გაეცნო.

„ჩვენთვის მნიშვნელოვანია, რომ ბავშვებს ჰქონდეთ შესაძლებლობა, ზაფხულის დღეები ჯანსაღ და სასიამოვნო გარემოში გაატარონ. მსგავსი პროექტები ხელს უწყობს საინტერესო გამოცდილების მიღებას. მუნიციპალიტეტი მომავალშიც დაუჭერს მხარს ასეთ ინიციატივებს,“- განაცხადა გივი მოდებაძემ.

პერევისის 10-დღიან ბანაკში სხვადასხვა ასაკობრივი ჯგუფის ბავშვები ისვენებენ. პროექტი, რომელიც ჭიათურის მუნიციპალიტეტის მერიის მხარდაჭერით უკვე მერვე წელია ხორციელდება, დასვენებასთან ერთად სხვადასხვა საგანმანათლებლო, შემეცნებით და გასართობ აქტივობებს ითვალისწინებს.