ხალხმრავლობა იყო დღეს ჭიათურაში,კულტურის ცენტრის მიმდებარედ, სადაც მთავარი ნაძვის ხე და საახალწლო ილუმინაციები საზეიმოდ აინთო.

მოეწყო ადგილობრივი მეწარმეების ხელნაკეთი ნივთების გამოფენა-გაყიდვა; ასევე მუნიციპალიტეტის საჯარო სკოლების თემატური გამოფენა-გაყიდვა; თოჯინების თეატრის პერფორმანსი;

თონე-ღია ცის ქვეშ (პურის ცხობის მასტერკლასი); უფასო გლინტვეინი და ჯინჯერის ორცხობილები.

შეკრებილებს ჭიათურის მუნიციპალიტეტის მერი გივი მოდებაძე მიესალმა და დამდეგი შობა -ახალი წელი მიულოცა.

საახალწლო პროგრამა სადღესასწაულო კონცერტითა და ფოიერვერკით დასრულდა.

კონცერტში მონაწილეობდენენ : სალომე ბაკურაძე, ევა შანავა, კვარტეტი „ჭიათურა“, კულტურის ცენტრის შემოქმედებითი ჯგუფები.