საახლწლოდ ჭიათურის მუნიციპალიტეტის მერიამ საგანგებო სიტუაციების მართვისა და გადაუდებელ დახმარებათა სამსახურების ჭიათურის რაიონული ორგანიზაციების: სახანძრო - სამაშველოს, სასწრაფო სამედიცინო დახმარებისა და საპატრულო პოლიციის თანამშრომლების შვილებს კულტურის ცენტრში უმასპინძლა.

პატარებისთვის წარმოდგენილ გასართობ პროგრამაში ზღაპრის გმირები და ანიმატორები მონაწილეობდნენ. დამდეგი შობა-ახალი წელი ბავშვებს თოვლის ბაბუამ მიულოცა. პატარებმა ჭიათურის მერიისგან საჩუქრებიც მიიღეს.

ღონისძიებას ჭიათურის მუნიციპალიტეტის მერი გივი მოდებაძე ესწრებოდა.

" მინდა, ვისარგებლო შემთხვევით და ყველა ბავშვს მივულოცო დამდეგი შობა-ახალი წელი. ვუსურვო ბედნიერება და ძალიან ბევრი სიხარული“-განაცხადა გივი მოდებაძემ.