ჭიათურაში, ნინოშვილის ქუჩაზე მდებარე ეთერ სამხარაძე-ჯღამაძის სახელობის სკვერის რეაბილიტაცია იგეგმება.

პროექტის ფარგლებში სკვერში მოეწყობა ახალი ლამპიონები, შადრევანი, ძელსკამები და საფეხმავლო ბილიკები. ასევე დაგეგმილია ტერიტორიის გამწვანება, კედლების მოპირკეთება და ფანჩატურის მოწყობა, რაც სივრცეს თანამედროვე და კომფორტულ რეკრეაციულ ზონად აქცევს.