ფილმის იდეის ავტორი კომპოზიტორი ია მაისაია ,სცენარისტი ნინო ხოფერია,რეჟისორი ზვიად მიქელაძე გახლავთ. პოეტის ლექსებისა და ბიოგრაფიის ეკრანიზაციამ, მისი ცხოვრების ტრაგიკულმა ფურცლებმა დიდი შთაბეჭდილება მოახდინა დარბაზში შეკრებილ აუდიტორიაზე.

პრეზენტაციას აფხაზეთის ა/რ იძულებით გადაადგილებულ პირთა მინისტრი დავით ფაცაცია, ჭიათურის მუნიციპალიტეტის მერი გივი მოდებაძე, ფილმის შემოქმედებითი ჯგუფი, პოეტის ოჯახის წევრები და სხვა მოწვეული სტუმრები დაესწრნენ.

მინისტრმა მადლობა გადაუხადა ფილმის შემოქმედებით ჯგუფს ეთერ სამხარაძე-ჯღამაძის მოგონებისთვის და ჭიათურის მერს გივი მოდებაძეს პოეტის ხსოვნის საღამოს ორგანიზებაში გაწეული წვლილისთვის.

" დიდი ემოცია დამიტოვა ფილმმა,რომელიც ჩემთვის მნიშვნელოვანი და ძვირფასი ქალბატონის ხსოვნას მიეძღვნა. ეთერ სამხარაძე-ჯღამაძე ერთ-ერთი სამაგალითო ქალბატონი იყო აფხაზეთში.ყველამ იცის მისი ტრაგიკული ისტორია,მაგრამ ამ კადრებმა მაინც სხვანაირად აგვაფორიაქა,აქ სხვაგვარად ჩანს მისი ძალა,ქალობა, გმირობა და ჩვენი ვალია, პატივი მივაგოთ ასეთ ადამიანებს და დავაფასოთ მათი მოღვაწეობა-განაცხადა დავით ფაცაციამ.

"კიდევ ერთხელ დავრწმუნდით,რომ ჩვენს სასიქადულო თანაქალაქელს,პოეტ ეთერ სამხარაძე-ჯღამაძეს იმერეთივით უყვარდა აფხაზეთი და აფხაზი ხალხი და მე მჯერა, რომ სამშობლოსთვის შეწირულ ულამაზეს ქალბატონს მალე აფხაზეთშიც მოიგონებენ და პატივს მიაგებენ,როგორც წესისა და კანონის გარეშე წარმართული ომის მსხვერპლს"-აღნიშნა ჭიათურის მერმა გივი მოდებაძემ.

პრეზენტაციაზე სიტყვით გამოვიდნენ ღონისძიების ორგანიზატორი მაია ტყემალაძე, სცენარისტი ნინო ხოფერია, მწერალი ნანა ქარდავა და პედაგოგი ნანი სამხარაძე.

ღონისძიების დაწყებამდე სტუმრებმა ეთერ სამხარაძე-ჯღამაძის სახელობის სკვერში "უვიწყარა" ყავავილებით შეამკეს მემორიალური დაფა და კიდევ ერთხელ მიაგეს პატივი პოეტის ხსოვნას.