ჭიათურის მუნიციპალიტეტის მერი გივი მოდებაძე კულტურის ცენტრის ტურიზმის განყოფილების ორგანიზებით 2025 წელს მომზადებული ვიდეოკლიპების პრეზენტაციას დაესწრო. ვიდეორგოლებში წარმოდგენილია მუნიციპალიტეტის გამორჩეული ტურისტული ლოკაციები, ბუნებრივი და ისტორიულ-კულტურული ღირსშესანიშნაობები.

მერმა ღონისძიებაზე აღნიშნა, რომ მსგავსი პროექტები მნიშვნელოვნად უწყობს ხელს მუნიციპალიტეტის ცნობადობის ზრდას, ტურისტული პოტენციალის წარმოჩენას, ვიზიტორთა დაინტერესებას და ადგილობრივი ეკონომიკის გაძლიერებას.

ვიდეოკლიპები სამაუწყებლო კომპანია „იმერვიზიამ“ მოამზადა.